تاند:(پنجشنبه، د میزان پینځلسمه) د پاکستان په بلوچستان ايالت کې يوې درنې زلزلې لږ تر لږه ۲۰ کسان وژلي او په سلګونه نور يې ټپیان کړي دي.
د بلوچستان يوه چارواکي نصير ناصر ويلي چې د لومړنيو راپورونو له مخې، په دې زلزله کې تر شلو پورې کسان وژل شوي خو ښايي دا شمېر زیات شي.
راپورونه څرګندوي، چې سلګونه نور کسان د دې زلزلې له کبله ټپيان شوي هم دي. په وژل شويو او ټپيانو کې د ښځو او ماشومانو د موجوديت خبر هم ورکړل شوی دی.
خلکو نيوکه کړې، چې حکومت يې مرستې ته په سمه توګه رسيده ګي نه ده کړې. پاکستان د سیمې له هغو هېوادونو څخه دی، چې ورته زلزلې زياتې پکې کيږي.
هلته تر ټولو شديده وروستۍ زلزله په ۲۰۱۵ کې وه، چې تر ۴۰۰ زيات کسان پکې ووژل شول. د پاکستان حکومت د زلزلو د زيانونو د کميدو لپاره د تدابيرو له اړخه تل تر نیوکو لاندې دی.