تاند:( يکشنبه، د ميزان څلورمه) د طالبانو اسلامي امارت په غزني کې د انسان تښوونکو پر ضد د عملياتو خبر ورکړی.
باختر دولتي خبري اژانس ليکلي، چې دا عمليات د نهو ورځو په موده کې تر سره شوي، چې يو انسان تښتونکی پکې وژل شوی او دوه نور ژوندي نیول شوي.
ويل شوي، چې د دوی له لوري تښتول شوی کس بیرته خوشې شوی.
د تښتول شوي کس په اړه څه نه دي ویل شوي.
پرون طالبانو په هرات کې د يوې نښتې پر وخت د څلورو تورنو انسان تښوونکو د وژلو خبر ورکړ، چې وروسته يې جسدونه د ښار په مختلفو برخو کې وځړول شول.
د دوی دا اقدامات د ولسي هرکلي ترڅنګ د منتقدینو له غبرګون سره مخ شوی.