تاند، دوشنبه، د ثور ۲۹مه: چارواکي وايي، ناپيژانده وسله والو تیره شپه د فراه ولایت خاک سفید ولسوالۍ امنیه قومندان طوفان نورزي باندې برید کړی او هغه یې وژلی دی.
د فراه ولایت د امنیه قومندانۍ ویاند محب الله محب ددې پېښې په تایید سره ویلي، چې ناپيژاندو سله والو تیره شپه لس بجې د فراه ښار په ۳ امنیتي حوزه کې د خاکسفید ولسوالۍ پر امنیه قومندان توفان نورزي برید کړی دی.
نوموړی زیاتوي، په دغه برید کې قومندان توفان ځای پرځای وژل شوی او بریدګر د پېښې له ځایه په تېښته بریالي شوي دي.
ددې برید مسئولیت تراوسه هیڅ یوې وسله والې ډلې په غاړه اخیستی نه دی.