تاند(پنجشنبه، د سنبلې ۱۸) د استرالیا کرکټ بورد ووايي، که د افغانستان د طالبانو حکومت د کرکټ د ښځینه لوبغاړو مخه ونیسي، استرالیا به د افغانستان د کرکټ له ملي لوبډلې سره ټاکل شوې مسابقه لغوه کړي.
د جرمني د( ډي.پي اې) خبري اژانس د راپور له مخې، د استرالیا د کرکټ چارواکو وویل، که د ښځینه کرکټرانو ملاتړ ونه شي، له افغانستان سره د نوومبر د میاشتې سیالۍ نه ترسره کوي.
د افغانستان لوبډله، چې په ۲۰۱۷ م کال د ټیستلوبو جوکه وپېژندل شوه، تر بل هر ټیم لږې ټیست سیالۍ کړي او په دې برخه کې د ودې لپاره ډېرو سیالیو ته اړتیا لري.
لومړی د نومبر له ۲۷مې د دسمبر تر لومړۍ نیټې د افغانستان او استرالیا د لوبډلو ترمنځ ټسب لوبه پلان شوې وه خو وروسته یې نیټه بدله شوه.
د استرالیا رسنیو د طالبانو د فرهنګي کمیسیون د مرستیال احمدالله وثیق په قول ویلي چې نوموړی فکر نه کوي چې ښځو ته دې د کرکټ لوبې اجازه ورکړل شي.