تاند (جمعه، د سنبلې ۱۲مه) — د طالبانو د لوی مشر مرستیال ملا محمد یعقوب وایي، هوایي ډزې له بیت المال، نظام او حکومت سره خیانت دی.
د طالبانو د فرهنګي کمېسیون یوه غړي احمد الله وثیق په خپل ټوېټر د ملا محمد یعقوب له قوله لیکلي چې که بیا څوک ډزې وکړي، بې وسلې او بندي دې شي.
ښاغلي وثیق لیکلي، «د هوایي ډزو په اړه د اسلامي امارت د مرستیال مولوي محمد یعقوب مجاهد قاطع حکم او خبرداری: آینده که هر څوک هوایي ډزې وکړي، بې وسلې او بندي دې شي. هوایي ډزې له بیت المال، نظام او حکومت سره خیانت دی.»
نن ماښام په کابل کې د هوایي ډزو له امله ډېرو خلکو په ټولنیزو رسنیو سخت خفګان څرګند کړ او په کابل کې د ایمرجنسي روغتون تازه عکسونه ښیي چې د کابل ښار له بېلابېلو برخو څخه د هوایي ډزو له امله ټپي شوي کسان د درملنې لپاره ور وړل شوي دي.
تر دې مخکې به، د نظار شورا د وژل شوي قوماندان احمدشاه مسعود پلویانو کال په کال د سنبلې په میاشت کې د هغه د تلین په مناسبت هوایي ډزې کولې او د کابل ښاریان به یې زورول، وهل او ټپي کول، چې نن هم د ټولنیزو رسنیو کاروونکیو د نننیو ډزو عاملین هغوی ته ورته وبلل.
This is not Mula Yaqoob, his name Taib Agha.
خبره خو دا ده چی:
د وروستیو سلو کلونو په اږدو کی ( د نن ورځی په ګډون ) ټولو نړیوالو قمار بازانو او د هغوی فکری نوکرانو د مؤقتی بریالیتوب په هوَس زموږ په ابائی مېنه کی هوائی ډزی کړی دی او عام وولس ددې هوائی ډزو ( هم د فلزی مرمیو په بڼه او هم د تبلیغاتی مرمیو په بڼه ) قربانی سوی دئ.
مونږ دا کړنې په کلکو ټکو غندو او عاملینو ته یې د سزا غوښتنه کوو او هغه ملایان چې د ممبر په سر ددوی لپاره تبلیغات کوی وایو چې اینده مو وسنجوی دا خلک به ځی او راځی تاسو باید دوی ځان ګډ نکړی.