تاند (جمعه د اسد ۲۹مه) د ملګرو ملتونو ښوونیز، علمي او فرهنګي سازمان (یونسکو) وايي چې په افغانستان کې به فرهنګي میراثونو ته هر ډول زیان، په هغه هیواد کې تل پاتې سولې او د بشري مرستو څرنګوالي ته زیان ورسوي.
یونسکو پرون/ پنجشنبه په یوه اعلامیه کې د فرهنګي میراثونو د مسلکي کارکوونکو او هنرمندانو د کار لپاره د خوندي چاپیریال د رامنځته کیدو په ضرورت ټینګار وکړ او ویې ویل چې هغوی د افغانستان د ملي یووالي او ټولنیز جوړښت لپاره مرکزي رول لوبوي.
په اعلامیه کې راغلي، د افغانستان پراخ فرهنګي میراثونه چې ددغه هیواد له تاریخ او هویت سره نه بیلیدونکی تړاو او بشریت ته ارزښت لري، باید وساتل.
د یونسکو اشاره د کابل موزیم، د هرات زوړ ښار، د جام منار او د بامیان تاریخي آثار ته ده چې د افغانستان تاریخي شتمنۍ دي.
د یونسکو سازمان د نړیوالو قوانینو پر اساس د افغانستان د بیلابېلو فرهنګي شتمنیو د ساتنی غوښتنې کړې او هغوی ته یې د زیان رسیدو او لوټ کیدو د مخنیوي په هدف د اړینو اقداماتو غوښتنه کړېده.