تاند( دوشنبه د اسد ۱۱ مه )نن ماښام د هرات ښار په حاجی عباس سيمه کې د ملکيانو پر يوه موټر چاودنه شوې چې له امله يي درې تنه وژل شوي او لس تنه نور ټپيان دي.
چاودنه پر يوه فلانکوچ ډوله موټر شوې ده.
د هرات امبولانس مسوول ابراهيم محمدي وايي چې د پېښې په وژل شويو کې دوه ښځې او يو سړی شامل دي، دده په وينا په دې پېښه کې دوې ښځې او اته نارينه ټپيان شوي دي.
تر اوسه د دې پېښې مسووليت کومې ډلې پر غاړه نه دی اخيستی.
دا پېښه په داسې حال کې کيږي چې په هرات ښار کې د افغان ځواکونو او طالبانو تر منځ جګړه روانه ده.
بل خوا نن شپه د هرات ښار ګڼ ښاريان واټونو ته را وتلي او د الله اکبر په شعارونو سره د طالبانو پر وړاندې د درېدو خبره کوي او وايي اجازه به ورنه کړي چې طالبان دغه ښار ونيسي.
د ولسمشر لومړي مرستيال امرالله صالح د هرات د اوسيدونکو دغه کار ستايلی او ويلي هراتیانو په دې کار سره له طالبانو او منیر پلورونکو نه د دين پالنې جعلي او تقلبي جواز اخيستی دی.