تاند ( شنبه، د اسد ۹) د سرېلانکا کرکټ بورډ په خپلو درېیو لوبغاړو د نړیوال کرکټ یوکلن او د کورنیو سیالیو ۶ میاشتې بندیز ولګاوه.
دوی په درهم کې د بایوببل څخه سرغړونه کړې وه.
په دې لوبغاړو کې دانوشکا ګونتالیکا، کوشال منډېس او نیروشان ډیکویلا شامل دي.
دوی تېره میاشت په انګلستان کې د بایوببل (د لوبو پر مهال احتیاطي تدابیر) څخه سرغړونه کړې وه.
سرچینه وایي، چې دوی دغه راز هر لوبغاړی۱۰ میلیونه روپۍ، چې ۵۰ زره امریکايي ډالر کېږي هم جریمه کړ.
دا درې واړه لوبغاړي د سریلانکا د کرکټ ملي لوبډلې مهم لوبغاړي دي.