تاند ( شنبه، د اسد ۹) د هندي سینما یا بالیووډ د مشهور اداکار اکشی کمار نوی فلم د خپرېدو درشل کې دی.
نوموړي د خپل نوي فلم د خپرېدو وروستۍ نېټه وروسته له هغې وښوده، چې په پرلپسې ډول یې د خپرېدو نېټه رد شوه.
هندي رسنۍ وایي، چې ټاکل شوې وه چې د «بيل بوټم» فلم د روان کال د جولای په ۲۷مه نېته خپور شي. خو اوس یې د خپرېدو نېټه بیا وځنډېده.
تازه ویل کېږي، چې دغه فلم په راتلونکې میاشت کې د سینما پرمخ راڅرګند شي.
د دې فلم د خپرېدو د مخنیوي ستر لامل د کورونا ویروس ګڼل شوی دی.
اکشي کمار هم په خپل ټوېټر د دې فلم یو کوچنی ټرایلر خپور کړی دی او د فلم د خپرېدو نېټه یې د ۲۰۲۱ کال د اګست ۱۹ نېټه ښودلې ده.