تاند ( یکشنبه، د اسد ۳) په درېیمه شل اوره لوبه کې هم سویلي افریقا آیرلنډ ته ماتې ورکړه او لوبلړۍ یې ترې ۳ـ۰ وګټله.
په وروستۍ او درېیمه لوبه کې سویلي افریقا د لوبې پچه وګټله او لومړی یې توپوهنه وکړه.
سویلي افریقا په ټاکلو ۲۰ اورونو کې د ۲ لوبغاړو په سوځېدو ۱۸۹ منډې وکړې.
تمبا بوما ۷۲، ریزا هندریککس ۶۹ او ډیویډ میلر ۳۶ ناسوځېدلې منډې وکړې.
ایرلنډ د ۹ لوبغاړو په سوځېدو یواځې ۱۴۰ منډې وکړې او لوبه یې بایلوده.
ددې لوبې غوره لوبغاړی تمبا بوما وټاکل شو، خو د لوبلړۍ غوره لوبغاړی بیا ډېويډمېلر وټاکل شو.