تاند (جمعه د اسد ۱) د امریکا کانګرس د هغه قانون طرحې ته رایه ورکړه چې په زرګونو افغانان چې په افغانستان کې یې د امریکایي ځواکونو او د امریکا د حکومت سره د ژباړونکو او یا نورو برخو کې کار کړی، امریکا ته انتقال شي.
په رای اچونه کې د استازو د خونې ۴.۷ وکیلانو ددې قانون په ملاتړ او ۱۶ غړو مخالفې رای ورکړې او ټاکل شوې چې دغه قانون د تصویب لپاره د امریکا سنا ته واستول شي.
د امریکا د کانګرس زیات شمیر غړو اندیښنه څرګنده کړې چې د افغانستان څخه د بهرنیو ځواکونو په بشپړه وتلو سره ښایي طالبان د هغو کسانو نه د غچ اخیستنې په لټه کې شي چې په تېرو دوو لسیزو کې په افغانستان کې میشتو بهرنیو ځواکونو سره همکار پاتې شوي دي.
د امریکا د ولسمشر جو بایډن تر اعلان وروسته چې د سپتمبر تر ۱۱مې به ټول امریکایي ځواکونه له افغانستان څخه وباسي د هغو کسانو څخه د طالبانو د غچ اخیستنې په هکله اندیښنې زیاتې شوې چې په افغانستان کې یې د امریکایي ځواکونه سره کار کړی دی.
د امریکا د دفاع وزارت د معلوماتو له مخې له افغانستان څخه د ځواکونو د ایستلو بهیر ۹۵ سلنه بشپړ شوی دی او ټاکل شوې چې د اګست تر۳۱ پورې دغه بهیر بشپړ شي.