تاند(چهارشنبه، د سرطان ۲۴) د چین د بهرنیو چارو وزیر وانګ يي پرون (سې شنبه) له طالبانو په کلکه وغوښتل چې له ټولو تروریستي ډلو سره اړیکې وشلوي، له جګړه مارۍ لاس واخلي او د افغانستان سیاسي میدان ته راشي.
د چین د دولتي رسنیو د راپور له مخې، ښاغلي وانګ دا څرګندونې په دوشنبې کې د تاجکستان له باندنیو چارو وزیر سراج الدین محي الدین سره په یوه ګډه خبري غونډه کې وکړې.
ده له طالبانو په داسې حال کې له تروریستي ډلو سره د اړیکو د پرې کېدا غوښتنه وکړه چې طالبانو یوه ورځ وړاندې په یوه بیان کې وویل چې ایغورانو ته به پناه ورنه کړي.
ایغور هغه چینايي مسلمانان دي چې د چین په سین کیانګ یا ترکستان کې د خپلواکۍ لپاره مبارزه کوي.
د چین د باندنیو چارو وزیر وویل، په افغانستان کې د یوه پوځي قوت په توګه طالبان باید هغه مسوولیتونه وپېژني چې د ملت په وړاندې یې لري.
چین، امریکا او یو شمېر نورو هیوادونو ویلي چې که طالبان په زور واک ته ورسېږي، د دوی رژیم به په رسمیت ونه پېژني.
د سیاسی کتونکو په باور دا هغه څه دي چې پاکستان یې هم غواړي ځکه چې یو منزوي، بېوزله او وروسته پاتې افغانستان به لا ډېر اسلام اباد ته محتاج وي.
ټالبان هیڅ سیاسي بصیرت نلري او نه د خپل وطن غم ورسره دی، دوی یوازې د پاکستان کټو ته ژمن دي، دوی کاڼه، ړانده او ګونګیان دي