تاند (شنبه د سرطان ۵) د افغانستان د عامې روغتیا سرپرست وزیر وحید مجروح وايي د پوهنې او لوړو زده کړو وزارتونو او نورو ښوونیزو بنسټونو سره د پوهنتونو او نورو ښوونیزو مرکزونو د بېرته پرانیستلو پر طرحې کار کوي، تر څو بیا پیل شي.
ښاغلي مجرو نن په کابل کې یوې خبري ناستې ته په خبرو کې وویل چې تر اوسه د تعلیمي مرکزونو، تحصیلي او نورو بنسټونو د بیا پیل کېدو وخت نه دی، خو په خبره چې ژر به یوه طرحه تیاره کړي.
نوموړي وویل، که څه هم د ښوونځيو او پوهنتونونو بندولو د کورونا وبا د زیاتوالي په برخه کې له دوی سره مرسته کړې، خو د عامې روغتیا وزارت له سختو فشارونو سره مخامخ دی تر څو تعلیمي او تحصیلي ادارې بېرته پرانیستل شي.
د عامې روغتیا سرپرست یو ځل بیا له خلکو وغوښتل چې روغیتايي سپارښتنې عملي کړي.
د یادونې ده چې په دې وروستیو کې په افغانستان کې د کورونا وبا درېیمه څپه د پراخېدو په حال ده او ګڼ شمېر افغانان په دې ناروغۍ اخته شوي دي.