تاند ( شنبه، د سرطان ۵) افغان ولسمشرمحمد اشرف غني په واشنګټن کې په یوه خبري کنفرانس کې یو ځل بیا پر طالبانو غږ وکړ، چې له جګړو لاس واخلي او د سولې له پروسې سره یو ځای شي.
نوموړي د خپلو خبرو پر مهال وویل چې امریکا ته یې سفر ګټور و او له کانګریس یې د څه باندې ۳،۳ میلیاردو ډالرو مرستو غوښتنه کړې او دوی هم ورسره منلې ده.
نوموړي همدا راز ویلي، چې د امریکا له دفاعي چارواکو سره یې هم کتلي دي او دوی ډاډ ورکړی چې له افغان ځواکونو به یې ملاتړ دوام کوي.
ولسمشر دغه راز ټینګار وکړ چې د امریکا او افغانستان ترمنځ اړیکې پیاوړې دي او له ولسمشر جو بایډن سره یې په کتنه کې د دې اړیکو د لا پیاوړتیا ډاډ تر لاسه کړی دی.
هغه یو ځل بیا افغان ځواکونه پیاوړي وبلل او په خبره یې دوی د ګواښونو پر وړاندې د هر ډول مبارزې وړتیا لري.
افغان ولسمشر د تېرې پنج شنبې په ورځ له مل پلاوي سره واشنګټن ته لاړ.
هغه له دې وړاندې د امریکا له ګڼو نورو جګپوړو چارواکو سره هم لیدنې درلودې او پر بېلابېلو مسلایلو یې ورسره بحثونه درلودل.
ولسمشر غني د طالبانو په وړاندې د افغان ځواکونو پر وړتیا ډاد څرګند کړ