تاند (پنجشنبه د جوزا ۲۷) په بلخ ولایت کې یو موټربم موخې ته تر رسېدو مخکې له منځه وړل شوی دی.
د بلخ ولایت امنیتي چارواکي وایي تېره شپه په دولت اباد ولسوالۍ کې هغه هاموې ډوله ټانک موخې ته تر رسېدو مخکې له منځه یووړل شو چې غوښتل یې ددغه ولسوالۍ پر ودانۍ برید وکړي.
د کورنیو چارو وزارت هم د پېښې د پخلي ترڅنګ وايي، طالبانو غوښتل چې د یوه هاموې موټربم په وسیله د بلخ دولت اباد ولسوالۍ په امنیه قومندانۍ برید وکړي، خو موخې ته تر رسېدو مخکې د افغان سرتېرو له خوا له منځه یو وړل شو.
د چارواکو په خبره، په پېښه کې امنیتي ځواکونو ته مرګ ژوبله نه ده اوښتې خو د سیمې کورونه سخت زیانمن شوي دي.
طالبانو تر اوسه په دې هکله څه نه دي ویلي.