تاند ( دوشنبه، د جوزا ۲۴ مه) د امریکا روغتیايي چارواکي وايي چې په افغانستان کې د پولیو واکسین د وېش په برخه کې خنډونه د اندېښنې وړ دي.
د امریکا د روغتیايي چارواکو په خبره جدي اړتیا ده چې په افغانستان کې د پولیو واکسین ووېشل شي.
دوی اندېښنه څرګنده کړې چې دا مهال یوازې په افغانستان او د پاکستان په ځينو سیمو کې د دغه ویروس نښې نښانې او مثبتې پېښې شته.
دوی زیاته کړې چې دغو اندېښنو ته په کتو جدي اړتیا ده چې په دې لار کې شته خنډونه له منځه یوړل شي.
سرچینه وایي چې د افغانستان په جنوب او ځینو نورو ولایتونو کې شاوخوا ۳ نیم میلیونه ماشومان د پولیو له واکسین محروم دي چې دا د جدي اندېښنې وړ مسئله ده.
دوی له طالبانو او نورو وسله والو ډلو هم غوښتي چې د بشري مرستو مخه ونه نیسي او د دغه ویروس په ختمولو کې همکاري وکړي.