تاند ( یک شنبه، د جوزا ۲۳) ختیځ کې دملي اردو چارواکي وایي، چې د دې ولایت په الیشنګ ولسوالۍ، کوټالې سیمه کې تېره شپه یوه عام سړي پر کور د هاوان مرمۍ لګېدلې.
د یادې قول اردو ویاند صاحبزاده وایي، چې دا مرمۍ د طلامحمد په نوم د یوه کس په کور لګېدلې، چې له امله یې د هغې کورنۍ د ښځو او ماشومانو په ګډون ۵ تنه وژل شوي او یو بل سخت ټپي دی.
په ورته وخت کې د لغمان د ولایتي شورا ځينې غړي بیا وایي، چې په یاده سیمه کې اوس هم د افغان ځواکونو او طالبانو ترمنځ نښته روانه ده.
دوی وایي، لامعلومه نه ده چې مرمۍ د چا له لوري توغول شوې.
خو د ملي اردو چارواکي بیا وایي، چې دا مرمۍ د وسله والو طالبانو له لوري توغول شوې ده.
وسله والو طالبانو بیا په دې تړاو غبرګون نه دی ښودلی.