تاند ( سه شنبه، د جوزا ۱۸) په بدخشان ولایت کې پيل شوی ولسي لاریون په تاوتریخوالي اوښتی.
ځایي سرچینې وایي، چې د برېښنا او د څښاک اوبو د نشتوالي له امله پيل شوی لاریون په تاوتریخوالي اوښتی دی.
لاریونوال وایي، چې چې دوی د سیمه ییز حکومت له وسله وال غبرګون سره مخ شوي دي.
د دوی په خبره، پولیسو د والي په سپارښتنه پر لاریون کوونکو ډزې کړي، چې په پایله کې یې ۳ تنه وژل شوي او ۲۴ نور ټپیان دي.
په ورته وخت کې د دغه ولایت د ولایتي روغتون مشر ډاکتر شفیق همدرد بیا وایي،چې تر اوسه پورې ۲۴ ټپيان او دوه جسدونه روغتون ته ور وړل شوي دي.
بل لورته د بدخشان د والي ویاند د ډزو خبر رد کړی دی.
د والي ویاند نېک محمد نظري وایي، لاریون کوونکو د دې ولایت د مستوفیت ودانۍ ته اور ورته کړی او دوی هڅه کوي څو اور مهار کړي.
داخو سم وراکاري طالب ډوله مظاهره چیان دي . د دولتي ودانیو سوځول جرم دی ، مرتکبین یې باید سخته سزا وویني .