تاند (سه شنبه د جوزا ۱۸مه) د ارزګان ولایت چارواکي وایي چوري ولسوالي ته تازه دمي اضافي سرتیري رسیدلي چې تر دې مهاله یې له ۴۰ زیات طالبان وژلي دي.
د ارزګان والي محمد عمر شیرزاد رسنیو ته ویلي چې اوس په ولسوالي کې وضعیت د افغان ځواکونو تر کنترول لاندې دی.
طالبانو د ارزګان د یادې ولسوالي پر امنیتي پوستو د تېرې یکشنبې له ماښام راهیسې سخت بریدونه پیل کړي وو، چې تر دا مهاله یې د ۱۵ پوستو د سقوط خبر ورکړی، هغه څه چې ځایي چارواکي یې ردوي.
ارزګان د هېواد په زړه کې پروت هغه ولایت دی چې ډیر کله ورڅخه د جګړو او نا امنیو خبرونه خپریږي.
د هوا له ګرمېدو سره سم د هېواد په ګڼ شمېر ولایتونو کې د افغان ځواکونو او طالبانو له لوري سختې جګړې پیل شوي چې هره ورځ دواړه لوري یو او بل ته د درنې مرګ ژوبلې د اړولو ادعاوي کوي.