تاند – د افغانستان د ملي دفاع وزارت وايي، د افغان ځواکونو د عملیاتو پر مهال په بلخ ولایت کې د وسله والو طالبانو د سرې قطعې ۱۱ غړي وژل شوي.
د دفاع وزارت په یوه خبرپاڼه کې چې نن چهارشنبه/ د جوزا ۱۲مه خپره شوې راغلي، افغان دفاعي، امنیتي او کومانډو ځواکونو تېره شپه د بلخ ولایت دولت آباد ولسوالۍ اړوند “کلینیک” کې د وسله والو طالبانو پر وړاندې عملیات ترسره کړل.
د خبرپاڼې له مخې په دغو عملیاتو کې د طالبانو د سرې قطعې ۱۱ غړي وژل شوي او ۱۳ نور ټپیان دي.
طالبانو تر اوسه په دې هکله څه نه دي ویلي.