تاند(چهارشنبه، د جوزا ۱۲) په کابل کې ډېری روغتیايي مرکزونه او کلنیکونه د اکسیجن له کمښت سره مخ دي.
د رسنیو د راپورونو له مخې د کابل په ډېری خصوصي روغتونونو او کلنیکونو کې د کرونا ناروغان ډېر شوي چې له امله یې د اکسیجن کمښت رامنځ ته شوی او په بازارونو کې هم د اکسیجن بیه لوړه شوې ده.
په کابل کې ځينو ناروغانو او د دوی د کورنیو غړو ویلي چې روغتونونه یې د اکسیجن د کمښت له امله ناروغان نه بستروي.
د کابل ښار ځينې اکسیجن پلورونکي هم وایي چې د اکسیجن بیه لوړه شوې ده.
ددوی په خبره دغه بیې له څلورو سوو افغانیو ۱۶ سوه افغانیو ته لوړې شوې دي.
افغان حکومت بیا تر دې وړاندې هم د اکسیجن د رسولو او ډېر تولید ژمنه کړې وه.
دا ستونزې داسې مهال رامنځ ته کېږي چې په وروستیو کې د کرونا د مثبتو پېښو شمېر مخ په لوړېدو دی.
په ورته وخت کې د روغتیا نړیوال سازمان ویلي چې له کرونا وبا سره د مبارزې په موخه یې د چین تولید شوي واکسین د اضطراري وېش لپاره تایید کړي دي.
دغه واکسین سینووک نومېږي او روغتیا نړیوال سازمان وایي چې باوري دي او د کوواکس په پروګرام کې به د نړۍ پر هېوادونو ووېشل شي.
د روغتیا نړیوال سازمان د چین یو بل واکسین هم د وېش لپاره تائيد کړ