تاند(سه شنبه، د جوزا ۱۱) په کابل کې د جرمني سفارت ویلي، د دې سفارت د نوې ودانۍ د جوړولو چارې په چټکۍ سره روانې دي.
د سفارت پر ټویټر پاڼه لیکل شوي، چې هېواد یې د بهرنیو ځواکونو له وتلو وروسته له افغانستان سره د همکاریو دوام ته ژمن دی.
په ټویټ کې وړاندې لیکل شوي چې دا هېواد په کابل کې د خپل سفارت لپاره نوې ودانۍ جوړوي او په وینا یې چې دوی به په افغانستان کې پاتې کېږي.
د جرمني سفارت ودانۍ په ۲۰۱۷ میلادي کال کې په یوه چاودنه کې زیانمنه شوې وه چې اوس یې د نوې ودانۍ د جوړولو چارې پیل شوې دي.
په هغه چاودنه کې له سلو زیات افغانان ووژل شول او سلګونه نور ټپیان شول.