تاند ( دوشنبه، د ثور ۲۷مه) د اسټرالیا کرکټ ملي لوبډلې ځوان توپوهونکي مېټ رېنشا یوه میاشت وړاندې واده کړی او د نړۍ مشهورو کرکټرانو ورته د مبارکۍ پيغامونه استولي دي.
مېټ ۲۵ کاله عمر لري او د اسټرالیا ملي لوبډلې توپوهونکی دی.
نوموړی په بیګ باش کې د افغان لوبغاړي راشد خان سره یو ځای په اډیلیډ سټرایکرز لوبډله کې لوبېږي.
مېټ رینشا له جوسي سره واده کړی خو د واده انځورونه یې تېره ورځ په خپل انسټاګرام خپاره کړي دي.
راشد خان هم د رينشا انځور به په کمنټ کې هغه ته مبارکي ویلې ده.
مېټ رینشا د اسټرالیا لپاره ۱۱ ټېسټ لوبې ترسره کړې دي، چې ۶۳۶ منډې يې کړې دي یوه سلیزه او ۳ پنځوسیزې لري.
د کرکټ د مشهورو لوبغاړو ودونه ډېر کله دخلکو د پام وړ ګرځي او په ټولنیزو رسنیو کې پرې سختې تبصرې کېږي.
د رېنشا ګڼو مینه والو هم هغه ته د واده مبارکيانې ورکړي او د خوښ ژوند هیلې یې ورته کړې دي.