تاند ( چهارشنبه، د ثور ۲۲مه) د ننګرهار ولایت شېرزادو ولسوالۍ توتو سیمه کې د ملکي وګړو پر موټر د سړک غاړې ماین چاودنه کړې.
د دې ولایت د امنیه قومندانۍ ویاند فریدخان تاند وېب پاڼې ته وویل، چاودنه نن سهار شپږ بجې شوې، چې په کې دوه ملکیان وژل شوي او درې نور ټپيان دي.
نوموړی وایي، ټپيان یې روغتون ته لېږدولي او وضعیت یې د ډاډ وړ دی.
خو بل لورته بیا ځايي سرچینې وایي، چې په دې پېښه کې ۴ ملکیان ټپيان او ۲ وژل شوي دي.
د دې پېښې مسوولیت تر اوسه چا نه دی منلی.