تاند(یکشنبه، د ثور۱۹) د هند پولیس وايي، د جمعې په ورځ یې په پلازمېنه ډیلي کې دوه افغانان له څه باندې ۱۲۵ کلیو هیروینو سره ونیول.
د پولیسو په وینا، له جرمونو سره د مبارزې د پولیسو یوه ډله ګومارل شوې وه چې د ډیلي په لوېدیځ کې د هیروینو پلورونکي ومومي. دوی دوه تنه افغانان ونیول او له هغوی سره یې ۱۲۵ کیلو او ۴۸ ګرامه هیروین کشف کړل.
هندي رسنیو د نیول شویو کسانو نومونه محمد شفیع او تارینا ښوولي چې لومړی ۴۸ کلن او دوهم ۳۶ کلن بلل شوي دي.
په وروستیو کې په ځلونو د ډیلي د هوايي ډګر د ګمرک مامورینو له افغانستانه له ورتلونکو مسافرو سره مخدر مواد نیولي دي.