تاند ( سه شنبه، د ثور ۱۴مه) د آزادو سیالیو افغان لوبغاړی احمد ولي هوتک د تمريناتو لپاره ازبکستان ته ولاړ.
ټاکل شوې، چې هوتک لس ورځې وروسته د مې په ۱۴مه کابل کې له خپل فرانسوي سیال (نائیب حزام) سره لوبه ترسره کړي.
هوتک څو ورځې وړاندې په خپله فېسبوک پاڼه لیکلي وو،چې سيال يې څلوېښت رسمي سيالۍ په مشهورو اروپايي سازمانونو کې کړي دي.
نوموړی وایي دې لوبې ته یې پوره چمتووالی نیولی او هیله لري، چې په زړه پورې سيالۍ به نندارې ته وړاندې کړي.
د یادونې ده چې احمد ولي هوتک له دې وړاندې د فري فایټ په یوه لوبه کې خپل برازیلي سیال لیونارډ باربوسا ته هم ماتې ورکړې وه.