دريمه برخه
د ډرامو پای، د لوبو پيل
- ( …) هم پر پخواني ولسشمر کتاب کښلی …
- دا کار ملا خورک شو …
- لکه يو وخت ادبي ټوټې، بيا لنډې کيسې، تکل او اوس کالم …
- لکه موډونه …
- پر تکل خو د يوه ليکوال له لاسه حکمتيار صاحب بنديز لګولی و …
- که نه د تکل تورم به رامنځ ته شوی و …
- اوس د تفسير او ترجمو بازار تود دی …
- يو جنرال هم تفسير کاږي …
- ښاغلي کتاب تر کوم سرليک لاندې کښلی …؟
- لوی عنوان يې لا ورته نه دی خوښ … خو نور سرليکونه يې په زړه پورې دي …
- لکه …؟
- ډرامه بازي …
- ښه ده بله بازي يې نه ده ورسره غوټه کړې …
- بازۍ خورا ډېرې …
- تر دغه سرليک لاندې يې څه راوړي …؟
- لويې وړې ډارمې …
- لکه …؟
- د امنيتي تړون لپاره د مشورتي جرګې رابلل …
- دا نو څه ډرامه وه …؟
- د ليکوال په اند دا د ولسمشر تر ټولو غوره بلکې بريالۍ ډرامه وه چې اوږد بحث پرې شوی …
- که لنډون يې راته ووايې …
- لنډون دا چې ټولو دا ګڼله چې ګنې کرزی مشورتي لويه جرګه د تړون د پخلي لپاره رابولي، ان چې جناب حضرت صاحب يوه ورځ وړاندې دده له خولې د امنيتي قرارداد د لاسليک بوی څکولی و …
- د شامې حس يې کمزوری دی …
- ګردو دا ګڼله … خو چې ولسمشر سټېج ته ودريد ټول يې پخپل رنګ کې کوټ کړل.
- ښه ډرامه يا کيسه هغه ده چې پای او انجام يې نا څرګند وي … مانا ليدونکي، لوستونکي د ملايانو په خبره له دې قاصر اوسي چې وپوهيږي څه کيږي ….؟
- بله کومه ډرامه …؟
- د سولې عالي شورا …؟
- دا هم ډرامه …؟
- لوي واړه ممثلين يوه صحنه کې
- نور سرليکونه …؟
- ضد ې ولسمشر …
- ما خو دا ګڼله چې ګنې ولسمشر په ينه تريخی نلري …؟
- ښه ډرامه چې ګورې همداسې ګڼې …
- کينه کښ که ضدي …؟
- کينه ضد، او ضد کينه رامنځ ته کوي …
- يو بل شی دې لکه هېر شول …؟
- څه شی …؟
- ځېل … د ضد او کېنې انجام ځېل دی …
- ما ته خو په زړه نری ښکارېده …
- په سترګو ژاړي په زړه ګوړې ماتوينه …
- ضد يې په څه کې دی …؟
- دا پوښتنه له جانکيري او اوباما ښه ده
- کله وار د ابا، کله د ادې
- دده هم په زړه امريکا ته پراټې پخېدې …
- د اشنغري پاټک له لاسه
د زه له پاسه مې پولۍ ولاړې دينه
- اوس به يې زړه يخ شوی وي
- دده کينه د اوښ ده
- اوښ چې درانه بارونه وړي خوراک يې ځوز دی
- ده هم خپل وار ته کتل
- دده وار لکه د ړانده …
- درد لري مرګ نه …
- نورسرليکونه …؟
- خرابات او مناجات – د پرې ياران – په خوله يوه په زړه بله – د ټولو د هيچا نه – څومره نژدې دومره لرې – شريف بدماش او …
- پادشاهي بې پايلوچۍ نه کيږي …
- په دې اوسني کې څه وايې
- د ډرامو پای … خو …
- خو يې په څه کې …؟
- د لوبو پيل کې …