تاند ( سه شنبه، د ثور ۷مه) د ملي امنیت عمومي رئيس احمد ضیا سراج وایي، په افغانستان کې د داعش وسله والې ډلې فعالیتونه له جدي ننګونو سره مخ دي.
د سراج په وینا داعش وسله واله ډله نه شي کولی، چې په هېواد کې خپلې ریښې وغځوي.
د احمدضياء سراج په خبره د داعش ډلې ډېری جنګیالي پاکستانیان دي.
نوموړی دغه راز یاتوي، چې طالبان سولې ته هېڅ اراده نه لري او په یوه او بله پلمه د جګړې دوام ته زمینه برابروي.
هغه زیاتوي، دوی د سولې غوښتونکي دي او که چېرته طالبان جګړه غواړي نو دوی هم د دې ډلې د شومو موخو پر وړاندې مبارزې ته بشپړ چمتووالی لري.
سراج دغه راز د اووه زره طالب زندانیانو خوشې کېدو ته په اشارې وویل، چې له افغان دولت سره بندي ۷ زره طالب زندانیان به په هیڅ صورت خوشې نه شي.
د ملي امنیت عمومي رییس داسې مهال د طالب زندانیانو په تړاو څرګندونې کوي، چې وړمه ور د طالبانو د قطر دفتر مرستیال عباس ستانکزي ویلي وو، چې ژر به ۷ نور طالب زندانیان خوشې شي خو وروسته ذبیح الله مجاهد دا خبره رد رد کړه.
مجاهد وویلې، چې ستانکزی ټوېټر نه کاروي او طالب بندیانو د خوشې کېدو خبره دروغ ده.