تاند (سه شنبه د حمل ۳۱) د زابل د ولایتي شورا په رئیس چاودنه شوې ده چې له امله یې نوموړی ټپي شوی دی.
راپورونه وايي، په عطا جان حق بیان نن غرمه مهال د یاد ولایت په مقام کې تر یوې غونډې وروسته د والي د دفتر مخې ته چاودنه شوې چې نوموړی یې ټپي کړی دی.
ویل کېږي چاودنه ډېره قوي وه او ممکن نور تلفات هم ولري.
تر اوسه د دې برید مسؤلیت کوم چا یا ډلې نه دی منلی او نه یې د څرنګوالي په هکله ډېر معلومات ورکړل شوي.