تاند ( سه شنبه، د حمل ۳۱) د هند سوداګریزو لوبو ١٢مه لوبه د چيناى سوپر کنګز او راجستان رايلز لوبډلو ترمنځ ترسره شوه.
راجستان پچه وګټله او چینای ته یې د توپ وهنې بلنه ورکړه.
چيناى سوپر کنګز په ټاکلو ٢٠ اورونو کې د ٩ لوبغاړو په سوځېدو ١٨٨ منډې وکړې.
ډوپليسي ٣٣، رايډو ٢٧ او معين علي ٢٦ منډې وکړې.
چيتان سکاريا ٣، کريس موريس ٢ د مقابل لوبډلې لوبغاړي وسوځول.
مقابل کې راجستان رايلز په ټاکلو ٢٠ اورونو کې د ٩ لوبغاړو په سوځېدو ١٤٣ منډې وکړې او لوبه یې د ٤٥ منډو په توپير و بایلله.
جاس بټلر ٤٩، انديکیټ ٢٤ او راهول ټيواټيا ٢٠ منډې وکړې.
د چيناى له لوري معين علي ٣ لوبغاړي وسوځول، سام کرن او جدېجا ٢-٢لوبغاړي وسوځول.
دروانو لوبو ١٣مه لوبه نن د اپريل په ٢٠مه نېټه د ډيلي کاپيټلز او ممبی انډينز لوبډلو ترمنځ ترسره کېږي.