تاند ( چهارشنبه، د حمل ۲۵) د هند د سوداګریزو لیګ پنځمه لوبه د ممبۍ انډينز او کلکتې ترمنځ ترسره شوه.
د لوبې په پيل کې کلکتې پچه وګټله او ممبۍ ته يې د توپ وهنې بلنه ورکړه.
ممبۍ انډينز په ټاکلو ٢٠ اورونو کې د ټولو لوبغاړو په سوځېدو ١٥٢ منډې وکړې.
سوريا کمار ٥٦ او روهيت شرما ٤٣ منډې وکړې.
په توپ اچونه کې بیا انډري رسل ٥ او پېټ کومېنز ۲ لوبغاړي وسوځول.
کلکته نايټ رايډرز په ټاکلو ٢٠ اورونو کې د ٧ لوبغاړو په سوځېدو ١٤٢ منډې وکړې او د ١٠ منډو په توپير يې لوبه بايلوده.
د دوى له خوا نيتيش رانا ٥٧ او شوبمن ګيل ٣٣ منډې وکړې.
د ممبۍ انډينز له لوري راهول چاهار ښه توپ اچونه ترسره کړه چې ٤ لوبغاړي يې وسوځول او ټرينټ بولټ بيا ٢ ويکټې واخيستې.
د اى پي اېل شپږمه لوبه نن د اپريل په ١٤مه نېټه د سنرايزر حیدراباد او رايل چېلنجرز بېنګلور لوبډلو ترمنځ ترسره کېږي.
په حیدرآباد لوبډله کې درې افغان لوبغاړي راشد، نبي او مجیب هم شامل دي.