تاند ( یک شنبه، د حمل ۲۲) د هند په سوداګریز لیګ (اى پي ايل) دوهمه لوبه کې ډیلي کاپيټلز لوبډلې چینای سوپرکېنک ته په ۷ وېکټو ماتې ورکړه.
ډيلي کاپيټلز پچه وګټله او لومړى يې د چيناى سوپر کنګز ته د توپ وهنې بلنه ورکړه.
چيناى سوپر کنګز په ټاکلو ٢٠ اورونو کې د ٧ لوبغاړو په سوځېدو ١٨٨ منډې وکړې.
سريش راينا ٥٤، معين علي ٣٦ تر نورو ډېرې منډې وکړې.
ډيلي کاپيټلز کريس ووکس او اويش خان ٢-٢، لوبغاړي وسوځول.
د ډيلي کاپيټلز لوبډلې په ۱۹ ام اور کې د ٣ لوبغاړو په سوځېدو ټاکل شوی هدف پوره او په لومړۍ لوبه کې يې د ٧ ويکټو په توپير بريا خپله کړه.
شيکر دهون ٨٥ منډې او پريتوي شاو بيا ٧٢ منډې ترلاسه کړې.
د چيناى سوپر کنګز له لوري شردل ټاکر ٢ او ډواين براوو ١ لوبغاړي وسوځول.
نن د آی پي ايل دريمه لوبه د سنرايزرز حېدراباد او کلکته نايټ رايډرز لوبډلو ترمنځ ترسره کېږي.
له سنرایزر حیداباد سره افغان لوبغاړي راشد خان، محمد نبي او مجيب الرحمن هم پکې لوبېږي.