تاند (شنبه د حمل ۲۱) د خیبرپښتونخوا په کوهاټ کې د ورکو شویو ۱۶ کارګرو مړي د پېښور په احسن خېل سیمه کې موندل شوي دي.
د راپورونو له مخې دا کارګر لس کاله مخکې د کوهاټ اړوند دره ادم خېل سیمې نه تري تم شوي و چې اوس یې مړي موندل شوي دي.
ویل کېږي یادو کسانو په دې سیمه کې په یوه کان کې کار کاوه چې د نامعلومو کسانو له لوري تښتول شوي و او ناڅرګند ځای ته لېږدول شوي و.
د معلوماتو له مخې، دغه شپاړس کارګر د سوات له شانګله سیمې سره تړاو لري چې پنځه هغه یې د یوې کورنۍ غړي دي.
ددغو کسانو خپلوانو ویلي چې دوی د خپلو عزیزانو په موندل کېدو خوښ دي، خو د پښتون ژغورنې غورځنګ غړي بیا غوسه دي او ددغه ډول کړونو پړه پر پاکستاني استخاباراتو وراچوي.
د پښتون ژغورنې غورځنګ غړي د پاکستان استخباراتي ادارې په دې ډول پېښو کې په لاس لرلو تورنوي او وایي، د دوی مبارزه د دغه راز زرګونو کورنیو لپاره پیل شوې او څو پورې چې یې پاکستاني ادارې په دې هکله ځواب ویلو ته حاضرې کړې نه وي په کرار نه کېني.