تاند ( یک شنبه، د حمل ۸) د لغمان ولایت په مرکز عمرزایو سیمه کې ماین چاودنې درې پولیس وژلي.
امنیتي سرچینې وایي، چاودنه نن غرمه د پولیسو پر هاموې ټانک شوې ده.
سرچینه زیاتوي په دې چاودنه کې یو بل پولیس ټپي شوی هم دی.
بل لورته د یاد ولایت د پولیسو ویاند افغانیار مني چې د پولیسو پر هاموي ټانک د سړک غاړې ماین چاودنه کړې.
نوموړی وایي په دې چاودنه کې یو پولیس ټپي شوی دي.
دغه راز د یوه بل خبر له مخې ناپېژانده وسله والو لوګر کې دوه ولسي پاڅونوال وژلي دي.
د لوګر امنیه قومندانۍ ویاند ګل حیدر وايي، ناپېژانده وسله والو نن غرمه مهال د مرکز پل علم اړوند خضر بازار سیمه کې دوه ولسي پاڅون کوونکي په ډزو ووژل او یو بل یې ټپي کړ.
د یادو دواړو پېښو مسوولیت تر اوسه چا نه دی منلی.