تاند ( جمعه، د کب ۲۹) نړیوال بانک له کرونا وبا سره د مبارزې او روغتیايي خدمتونو ته د خلکو د چټک او مساوي لاس رسي برخه کې له افغانستان سره د ۱۱۳ میلیون ډالرو اعلان کړی دی.
د دغه نړیوال بانک څخه په خپره شوې خبرپاڼه کې راغلي چې له یادې مرسته څخه ۶۰ میلیون ډالره یې د کرونا وبا واکسین د پېر او تطبیق لپاره ځانګړي شوي دي.
د نړیوال بانک د معلوماتو له مخې د دې مالي مرستې په واسطه به د افغانستان تر ۱۷ سلنه زیات خلک د کرونا وبا واکسین ترلاسه کړي او هم به د اړینو روغتیایي خدماتو په ښه والي او د کرونا وبا له منفي اغېزو د وتو لپاره مرسته وکړي.
د نړیوال بانک خبرپاڼه وایي، دغه بلاعوضه مالي مرسته چې مجموعي ارزښت یې ۱۱۳ میلیونو ډالرو ته رسېږي، له کرونا وبا سره د چټکې مقابلې او د افغانستان د روغتیایي سېسټم د چمتووالي پروژې له لوري به مصرف شي.
په راپور کې ویل شوي چې اسیا پراختیايي بانک هم ۱۱ سلنه افغانانو ته د کرونا ضد واکسین پیري چې په په وینا یې د نړیوال بانک د مرستو په زیاتېدو سره به نیم میلیون افغانان د کرونا وبا ضد واکسین تر لاسه کړي.
دا په داسې حال کې ده چې تر دې وړاندې هم دغه بانک له افغانستان سره مرستې ترسره کړې دي.