تاند (پنج شنبه، د حوت ۱۴) د پاکستان سوپر ليګ ١٤مه لوبه د کويټې ګليډيټرز او ملتان سلطان لوبډلو ترمنځ ترسره شوه.
د لوبې په پيل کې ملتان سلطانز پچه وګټله او مقابلې لوبډلې ته يې د توپوهنې بلنه ورکړه.
ګليډيټرز په ټاکلو ٢٠ اورونو کې د ٧ لوبغاړو په سوځېدو ١٧٦ منډې وکړې چې له ډلې يې عثمان خان ٨١، سايم ايوب ٢٣ او محمد نواز ٢٠ منډې وکړې.
د ملتان سلطان له لوري شهنواز دهاني ٣ او عمران طاهر ٢ لوبغاړي وسوځول.
د ملتان سلطان لوبډلې ټاکل شوی هدف پوره نه شوکړای او د ټولو لوبغاړو په سوځېدو یې یواځې ١٥٤ منډې وکړې.
محمد رضوان ٦٦ او جيمس وينس ٢٤ منډې ترلاسه کړې.
د کوټې ګليډيټرز له لوري قېس احمد ډېره ښه توپ اچونه ترسره کړه چې په ٤ اورونو کې يې ٢١ منډې ورکړې او ٣ لوبغاړي يې وسوځول.
د لوبې د غوره لوبغاړي جايزه قېس احمد ته ورکړل شوه.
دا لومړى ځل دى چې يوې لوبډلې په ښه ډول د خپل ټاکلي هدف څخه دفاع وکړه.