تاند (چهارشنبه د حوت ۱۳) چارواکي وايي، هرات ښار کې د افغان ځواکونو او د نامسؤله وسله وال حبیب غوریاني کسانو ترمنځ د نښتې له امله ۱۶ تنه ټپیان شوي.
د راپورونو له مخې، پېښه وروسته له هغې رامنځته شوه چې افغان ځواکونو د حبیب غوریاني د نیولو په موخه په سیمه کې عملیات پیل کړل.
د هرات د حوزوي روغتون چارواکي وايي چې تر اوسه د پېښې له ځایه ورته ۱۶ تنه چې درې یې امنیتي سرتیري، دوه ماشومان او ١١ عام وګړي دي په ټپي حالت کې وروړل شوي.
له بلې خوا، د سيمې اوسېدونکو ویلي چې ١٧ نور ټپیان بيا خصوصي روغتونونو ته لېږدول شوي.