تاند ( پنج شنبه، د حوت ۷) د افغانستان کرکټ په خپله وېب پاڼه لیکلي چې ښايي راشد خان د زمبابوې پر وړاندې په لومړۍ ټېسټ لوبه کې ګډون ونکړي.
سرچینې لیکلي چې هغه ټپي دی او له همدې امله نه لوبېږي.
سرچینې که څه هم په دې اړه څه نه دي ویلي چې د راشدخان ګوته چېرته او څنګه ټپي شوې خو نوموړى له دې وړاندې د پاکستان په سوپرلیګ کې دوه لوبې ترسره کړې دي.
هغه د پاکستان په سوپرلیګ کې له دوو لوبو وروسته اماراتو ته لاړ او له ملي لوبډلې سره یوځای شو.
د یادونې ده چې افغانستان په خپل کوربه توب له زمبابوې سره ٢ ټېسټ او ٣ نړيوالې شل اوريزې لوبې لري.
د یادو دواړو لوبډلو ترمنځ لومړۍ لوبه د مارچ په ٢مه نېټه په متحده عربي اماراتو کې ترسره کېږي.