تاند ( جمعه، د دلوې ۱۷) اترا اداره او کابل ښاروالي یو تر بله د ښاري فایبر غځونې او وایفای زونونو په جوړولو کې همکاري کوي.
دا پرېکړه د مخابراتي خدمتونو د تنظیم ادارې (اترا) او کابل ښاروالۍ تر منځ نن د دوه اړخیزو همکاریو او همغږۍ په ناسته کې وشوه.
په دې ناسته کې د اترا ادارې مشرعمر منصور انصاري د ګډو چارو په برخه کې د اسانتیاو رامنځته کولو، کابل ښار کې د نوري فایبر غځونې، د Wi-Fi Zone وای فای زونونو رامنځته کولو، ښاروالۍ لپاره د مجهزو سیستمونو جوړولو، له زېربناو څخه د اغېزناکې استفادې لارو چارو، د ښکلاييزو څلیو جوړولو برخه کې د هر اړخیزې همکارۍ ډاډ ورکړ.
په ورته مهال د کابل ښاروال سلطانزوی د اترا ادارې له دې پرېکړې هر کلی وکړی او زیاته یې کړه چې دوی به هم په دې برخه کې خپله همکاري نه سپموي.
په دې ناسته کې د ادارو په کچه د تخنیکي کسانو ګډه کمېټه هم جوړه شوه څو ګډ کاري موضوعات تحلیل او په اړه یې اقدامات پيل شي.
هره ورځ د کابل پخی کوڅی د فایبر شبکی د لاین په غځولو او تر میم په نوم ویجاړیږی او بیا بیرته ورانی پریښودل کیږی ، چه د ښار د ککړوالی یو لوی عامل دی او تل کوڅی له خټو او ډوړو ډکی وی نو ایا کومه سمه اساسی لار حل ولی نه ورته پیداکیږی چه د هر وار ترمیم په وخت کوڅی ورانی او یا سوری سوری نشی.