تاند(جمعه، د دلوې ۱۷) د کندز ولایت ځایي سرچینې وایي، د دغه ولایت په خان اباد ولسوالۍ کې د سیمهییزو پولیسو پر پوستو د طالبانو برید کې ۱۶ سیمهییز پولیس وژل شوي دوه نور ټپیان او دوه لادرکه دي.
د کندز د ولایتي شورا رییس محمد یوسف ایوبي له رسنیو سره په خبرو کې ویلي، دغه برید تېره شپه د خان اباد ولسوالي د اختر تپې په سیمه کې شوې ده.
نوموړی وایي، په دې برید کې ۱۶ سیمهییز پولیس وژل شوي او دوه نور ټپیان شوي دي.
د هغه په وینا، د اختر تپې پوسته یو له مهمو او ستراتیژیکو پوستو څخه وه چې د طالبانو د برید په پایله کې سقوط شوه.
د هغه په خبره په دې برید کې وسلهوالو طالبانو ته هم مرګ ژوبله اوښتې خو د کره شمېرو په اړه معلومات نه لري.
د کندز ولایتي ادارې تراوسه په دې اړه څه نه دې ویلي.
د یادونې ده چې دغه ولایت په تېرو څو کالو کې دوه ځله د طالبانو لاسته هم لوېدلی دی.