تاند (پنجشنبه د دلوې ۲) ولسمشر اشرف غني د یوه لوړپوړي پلاوي په ملتیا د هرات ولایت د عمومي وضعیت ارزونې په موخه دغه ولایت ته ورسېد.
ارګ پنجشنبه سهار د یوې خبرپاڼې په خپرولو سره ویلي چې ښاغلی غني به د هرات له ځایي چارواکو سره ددغه ولایت پر روان وضعیت او امنیتي مسایلو خبرې کوي.
سرچینه زیاتوي، نوموی به په دې سفر کې له قومي مشرانو، ځایي چارواکو او د بېلو بېلو قشرونو له استازو سره له لیده کاته ولري.
د یادونې وړ ده چې ولسمشر غني تر دې څو ورځې وړاندې ننګرهار ولایت ته سفر کړی و او هلته یې ددې ولایت له ځايي چارواکو او د ټولنې له بېلابېلو قشرونو سره په روان وضعیت خبرې وکړې.
محمد اشرف غني په دې سفر کې د ننګرهار له ولسونو سره خپلې پخوانۍ ژمنې یو ځل بیا تازه کړې او هغوی ته یې د نویو پروژو د عملي کولو ډاډ ورکړ.