تاند ( چهارشنبه، د دلوې ۱) په هرات ولایت کې ماین چاودنې ۶ ملي پولیس ټپيان کړي دي.
د هرات د عامې روغتیا ریاست ویاند داکتر محمد رفیق شیرزی وايي چې د پېښې تېره شپه په دې ولایت کې پر پولیسو ماین چاودنه کړې.
شېرزی وایي د پېښې له ځایه شپږ ټپيان روغتون ته ور وړل شوي دي.
بل لورته د هرات د پولیسو ویاند عبدالاحد ولي زاده وايي چې تېره شپه د انجیل ولسوالۍ په مالان پله امنیتي پوسته کې چاودنه شوې چې له امله یې څلور پولیس ټپیان شوي دي.
ولي زاده وایي د پېښې په اړه څېړنې روانې دي.
د دې پېښې مسوولیت تر اوسه چا یا کومې وسله والې ډلې نه دی منلی.
د یادونې ده چې په دې وروستیو کې د هېواد په ګڼو ولایتونو کې بمي چاودنې او هدفي وژنو زور اخیستی چې عام خلک یې هم اندېښمن کړي.