تاند (سه شنبه جدي ۳۰) د ننګرهار ولایت په سپین غر او سره رود ولسوالیو کې د دوو قومندانانو په ګډون ۱۷ وسله وال طالبان وژل شوي دي.
د ننګرهار مطبوعاتي دفتر سه شنبه ماښام د یوې خبرپاڼې په خپرولو سره ویلي چې نن مازدیګر د سپین غر ولسوالۍ، مامند درې په وچه ژوره او د سره رود ولسوالۍ په ککړک سیمه کې پر وسله والو طالبانو هوايي بریدونه شوي.
سرچینه زیاتوي ددې بریدونو پر مهال د عبدالزاده مشهور په سنګري او برج په نومونو د دوو قومندانانو په ګډون ۱۷ وسله وال طلبان وژل شوي او د هغوی وسلې او مهمات هم له منځه تللي دي.
طالبانو تر اوسه په دې هکله کوم څه نه دي ویلي.