تاند ( دوشنبه، د جدي ۲۹) د کابل په غازي لوبغالي کې تر ۱۶ کلنو دکم عمره لوبغاړو ترمنځ د فوټبال لوبې پيل شوې.
په دې لیګ کې د کابل، بامیان، لوګر، کاپیسا، پروان او پنجشیر ولایتونو لوبډلې ګډون لري.
دا لوبې چې نن پيل شوې په کې لومړۍ لوبه د پروان او بامیانو او دوهمه لوبه د پنجشېر او لوګر لوبډلو ترمنځ ترسره شوې.
په لومړۍ لوبه کې پروان ۵ـ۱ په توپير بامیانو ته ماتې ورکړه او دوهمه لوبه کې پنجشېر ۴ـ۱ د صفر په توپير بامیانو لوګر ته ماتې ورکړه.
د یادونې ده چې سبا سه شنبه به د روانو لوبو په لړ کې کابل د کاپیسا پر وړاندې او بامیان د پنجشیر پر وړاندې ولوبیږي.