تاند ( دوشنبه، د جدي ۲۹) د روسيې د ولسمشر ولاد مير پوتین د سیاسي مخالف نیول غبرګونونه را پارولي.
آلکسي ناوالنی د روسیې د حکومت سیاسي مخالف له جرمني څخه دغه هېواد ته له رسیدو وروسته ونیول شو.
د معلوماتو له مخې ده ته په روسیه کې زهر ورکړل شوي ؤ او د درملنې له پاره جرمنې ته تللی ؤ.
نوموړي په یاده قضیه کې د روسیې ولسمشر ولادیمیر پوتین پړ ګڼلو.
په ورته مهال د جوبایدن د ملي امنیت سلاکار هم د ناوالني نیول کیدل د روسېې وګړو ته سپکاوی ګڼلی او د هغه د ژر خوشې کیدلو غوښتنه ېې کړې.
دغه راز د امریکا د بهرنیو چارو وزیر مایک پومپیو هم په یوه بیان کې د ناوالني د خوشې کېدو غوښتنه کړې ده.
پومپیو د ناوالني د نیولو په اړه د امریکا اندېښنه په ډاګه کړې او دا ګام یې د روسیې له خوا د ناوالني او نورو هغو څېرو د غږونو خاموشه کول بللي چې د روسیې منتقدین دي.
ناوالني له تېرې اګسټ میاشتې راهیسې په جرمني کې تر درملنې لاندې و او پرون یک شنبه روسیې ته ستون شوی او له رسېدو سره سم نیول شوی دی.