تاند ( یک شنبه، د جدي ۱۴) د ولسمشر د ملي امنیت سلاکار د یو شمېر لوړ پوړو چارواکو په ملتیا کندهار ولایت ته تللی.
د ملي امنیت شورا دفتر په یوه خبرپاڼه کې ویلي چې حمد الله محب به په دې سفر کې د کندهار له سیمه ییزو چارواکو، قومي مشرانو، د مدني ټولنې له استازو، ځوانانو او د ښځو له استازو سره وګوري.
دا پلاوی داسې مهال کندهار ته ورځي چې تازه تېره ورځ ناوخته د کندهار والي له دندې ګوښه شوی دی.
د کندهار ګوښه شوی والي حیات الله حیات د یاد ولایت په هوایي ډګر کې د دې پلاوي هرکلي ته ورغلی دی.
سرچینه وایي چې په دې پلاوي کې د ملي امنیت سلاکار، لوی درستیز، د کورنیو چارو وزیر ، د سیمه ییزو ارګانونو ادارې مشر شامل دي.