تاند(چهارشنبه، د جدي ۱۰) ولسي جرګې د کابل ښاروال داوود سلطان زوی څارنوالۍ ته معرفي کړ او د هغه لاسلیک یې بې اعتباره کړ.
د ولسي جرګې د غړو له لورې د کابل ښاروال داوود سلطان زوی څارنوالۍ ته د معرفي کولو غوښتنه شوي وه او نن یې دا پریکړه ترسره کړه.
د ولسي جرګې غړو د دوشنبې ورځې په غونډه کې د کابل ښاروال څارنوالۍ ته د معرفي کولو طرح يې په داسې حال کې جوړه کړې وه چې سلطان زوی د ولسي جرګې پریکړو او مصوباتو ته د تیرې ورځې په غونډه کې بې توجهي کړې وه او ځواب ورکولو ته حاضر شوی نه وه.
د ولسي جرګې غړي وايي، چې د کابل ښاروال تر دې مخکې هم د دې جرګې پریکړو ته بې احترامي کړې وه.
له همدې امله د ولسي جرګې غړي د یوې طرحې په لاسلیک کولو سلطان زوی يې څارنوالی ته معرفي او لاسلیک يې ورته بې اعتباره کړ.
دا په داسې حال کې ده چې لوې څارنوالۍ د یو مکتوب په خپرولو اعلان کړی وه چې ولسي جرګه لوې څارنوالی ته د حکومتي چارواکو د معرفي کولو حق نلري.