تاند(جهارشنبه، د جدي ۳) د کرنې او مالدارۍ وزارت وايي، کندهار او هرات کې د اوربشو سږني حاصلاتو زیاتوالې موندلی.
د کندهار او هرات ولایتونو د کرنې، اوبولګولو او مالدارۍ ریاستونو چارواکي وايي، سږ کال يې د اوربشو په حاصلاتو کې د پام وړ زیاتوالی راغلی دی.
دغه راز یاد وزارت زیاته کړه، اوربشې د هیواد په نږدې ټولو ولایتونو کې کرل کیږي چی کندهار او هرات تر ټولو لوې تولیدونکي ولایتونه ګڼل کیږي.
دې وزارت وویل، د کندهار او هرات د اوربشو د حاصلاتو د زیاتوالې عمده لاملونه د اوربشو د کروندو زیاتوالې، پر وخت او ډیر اورښتونه او د اوربشو بیو لوړیدل دي.
اوربشې د افغانستان په ګڼو ولایتونو کې حاصلات ورکوي، چې لوې تولیدونکۍ ولایتونه یې هرات، کندهار، سرپل، بدخشان او فاریاب دي چې هرکال له یادو ولایتونو په زرګونه ټنه اوربشې راټولیږي.