تاند ( شنبه، د قوس ۲۹) د ننګرهار ولایت په مومندرې ولسوالۍ کې د شین کیوکېشن سیالۍ ترسره شوې.
مسوولان وایي دا سیالۍ د یادې ولسوالۍ ګردي غوث سيمه کې ترسره شوې.
دوی وایي د دې سیالیو موخه د ځوانانو سالمې روزنې او ناوړه کارونو څخه مخنيوی دی.
په دې سياليو کې د ننګرهار، کابل او نورو ولايتونو ورزشکارانو هم ګډون کړی و.
دا لومړی ځل دی چې د ننګرهار په مومندره کې د عامه پوهاوي او د ځوانانو د سالمې روزنې په پار د کراټې سیالۍ ترسره کېږي.
په دې سیالیو کې لوبېدونکي لوبغاړي وایي که زمینه ورته برابره شي نو دوی حاضر دي چې د دې ولایت ټولو ولسواليو کې د امن په نوم سیالۍ ترسره کړي.