تاند ( جمعه، د قوس ۲۸) د پاکستان د کرکټ دملي لوبډلې تېز توپ اچوونکي محمد عامر دنړيوال کرکټ د پرېښودو پرېکړه کړې ده.
محمد عامر د کرکټ سره د پرېښودو لامل د پاکستان کرکټ بورډ له لوري نوموړي ته د نه پاملرنې او په لوبډلې کې چانس نه ورکول ياد کړي.
د پاکستان کرکټ ملي لوبډلې دغه مشهورتېز چپ لاسي توپ اچونکي د پاکستان لپاره ٣۶ ټيسټ لوبوکې ١١٩ وېکټې ترلاسه کړې.
محمد عامر دغه راز د پاکستان لپاره په پنځوس اوره لوبو کې ٨١ او همدارنکه شل اوره لوبو کې ۵٩ لوبغاړي سوځولي دي.
د کرکټ شنونکي د عامر دا پرېکړه د پاکستانۍ لوبډلې په زیان بولي او وایي پاکستانی کرکټ بورډ باید دا ستونزه حل کړي.
بل لورته د پاکستان کرکټ بورډ په يوه خبرپاڼه کې ويلي چې د محمد عامر سره د پاکستان کرکټ بورډ اجراييوي رييس وسيم خان خبرې کړي.
په خبرپاڼه کې ويل شوي دي چې ٢٨ کلن محمد عامر اجراييوي رييس ته د خپلې استعفا خبره تاييد کړه او وې ويل، چې نور د نړيوال کرکټ کولو هيله نه لري.
سرچینه د وسيم خان له قوله وايي « دا د محمد عامر شخصي پرېکړه ده د پاکستان کرکټ بورډ د هغه د پرېکړې احترام کوي، له دې پرته په دې اړه هېڅ تبصره کول نه غواړي.»